Xəbərlər
Nazim Bəydəmirlinin ilə bağlı məhkəmə qərarından apellyasiya şikayəti verilib
Vəkil qeyd edib ki, N.Bəydəmirli 1 saylı Bakı İstintaq Təcridxanasında saxlanılır.
Sabiq deputat, iqtisadçı Nazim Bəydəmirlinin barəsində həbs qətimkan tədbirinin seçilməsi ilə bağlı məhkəmə qərarından apellyasiya şikayəti verilib.
Bu barədə AzadlıqRadiosuna onun vəkili Aqil Layıc məlumat verub.
Onun sözlərinə görə, şikayətdə istintaq orqanının təqdimatının rədd edilməsi və qətimkan tədbiri barədə qərarın ləğvi məsələsi qoyulub.
Vəkil qeyd edib ki, N.Bəydəmirli 1 saylı Bakı İstintaq Təcridxanasında saxlanılır.
A.Layıc əlavə edib ki, N.Bəydəmirlini özü şikayət etdiyi iş üzrə həbs ediblər: "Nazim bəy səhmdarı olduğu "Avto-Garant" ASC-də pay bölgüsü ilə bağlı şikayətçi idi. Bununla bağlı da Daxili İşlər Naxirliyinə şikayət vermişdi, araşdırma aparılırdı".
Məsələ ilə bağlı "Avto-Garant" ASC-dən münasibət öyrənmək mümkün olmayıb.
Nazim Bəydəmirli və "Avto-Garant" ASC-nin idarə heyətinin sədri Elmar Musayev 2014-cü ildə “Avto-Garant” ASC-nin mülkiyyətçisi Ədalət Bağırov və qeyriləri tərəfindən E.Musayevin qanunsuz olaraq vəzifədən kənarlaşdırılması, 20 min manata yaxın pul vəsaitinin dövlət büdcəsindən yayındırılması, o cümlədən 1 milyon manatdan çox pul vəsaitinin xəzinəyə mədaxil edilməməsi barədə bir müddətdir istintaq orqanlara müraciət etmişdilər.
Lakin istintaq orqanları şikayəti əsassız olduğu barədə qərar vermişdi.
Xatırlatma
N.Bəydəmirli iyulun 4-də Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsi tərəfindən saxlanılıb. Ona qarşı Azərbaycan Cinayət Məcəlləsinin 182.2.4-cü maddəsilə (xeyli miqdarda əmlak əldə etmək məqsədilə hədə-qorxu ilə tələb etmə) ittiham irəli sürülüb. Bu maddə 5 ildən 10 ilədək azadlıqdan məhrumetmə cəzasını nəzərdə tutur.
Bu gün məhkəmə onun barəsində 4 ay müddətinə həbs qətimkan tədbiri seçib. Bəydəmirli ittihamı rədd edib, onu uydurma adlandırıb və hüquqi əsasının olmadığını bildirib. Onun sözlərinə görə, həbsin əsl səbəbi Gədəbəy rayonunun Söyüdlü kəndindəki qızıl emalı müəssisəsinin ətraf mühiti çirkləndirməsilə bağlı yerli sakinlərin etirazları ilə əlaqədar çıxışlarıdır.
Bütün xəbərləri izləyin
AXCP: Gənc üzvümüzə 30 sutka verilib
Azərbaycan Xalq Cəbhəsi Partiyası (AXCP) Gənclər Komitəsinin fəallarından Aqşin Abdullayevin (Oğuz) Binəqədi rayon Məhkəməsinin qərarı ilə 30 sutka inzibati qaydada həbs edildiyi bildirilir. Bu barədə AXCP-dən məlumat veriblər. Partiya onun tənqidlərinə görə şərləndiyini hesab etsə də, detallar açıqlanmayıb.
Dünən, iyunun 24-də A.Abdullayev Binəqədi rayon Polis İdarəsinin 40-cı polis bölməsinə çağırılmışdı. Onun çağırış üzrə bölməyə getdiyi, amma sonra Xalq Cəbhəsi üzvündən məlumat almağın mümkün olmadığı bildirilmişdi.
AXCP-nin bu açıqlamasını, hələlik, Daxili İşlər Nazirliyi, Binəqədi rayon Məhkəməsi və başqa aidiyyəti rəsmi qurumlardan dəqiqləşdirmək mümkün olmayıb.
Xatırlatma
Müxalifətdə olan AXCP-nin hazırda ümumilikdə 15 civarında üzvü uzunmüddətli həbsdədir. Üstəlik, bir çox fəalları inzibati qaydada həbs edilib. Onlar müxtəlif ittihamlarla üzləşsələr də, partiya onların hamısının siyasi sifarişlə həbs olunduğunu açıqlayıb. Azərbaycan rəsmiləri isə ölkədə siyasi məhbus olması ilə bağlı deyilənləri qəbul etmirlər. Onlar vurğulayırlar ki, siyasi məhbus siyahısında yer alan şəxslər sırf törətdikləri əmələ görə mühakimə ediliblər.
Bəzi hüquq müdafiəçilərinin hesablamalarına görə, hazırda Azərbaycanda 370-dan çox siyasi məhbus var.
İran İsrailə casusluqda günahlandırdığı daha üç nəfəri edam edib
İranın ədliyyə sisteminə bağlı "Mizan" xəbər agentliyi iyunun 25-də məlumat yayıb ki, İsrailə casusluqda təqsirləndirilən üç nəfər edam olunub. Bu şəxslər "Mossad" ilə əməkdaşlıqda və sui-qəsddə istifadə olunan avadanlıqları qaçaqmalçılıq yolu ilə ölkəyə keçirməkdə günahlandırılıblar.
İran İsraillə 12 günlük müharibədə əvvəl də bir çox şəxsi oxşar ittihamla edam edib.
Son günlərdə "Amnesty International" da daxil olmaqla bir sıra insan haqları təşkilatları bu üç nəfərin edam olunma ehtimalı ilə bağlı xəbərdarlıq etmiş və İsrailin hücumlarının dayandırılmasından sonra İranda edamların sayının artmacağından narahatlıq ifadə etmişdilər.
Bununla da İranda son iki həftə ərzində "casusluq" və "İsraillə işbirliyi" ittihamı ilə edam olunanların sayı altıya çatıb. Bu şəxslərdən üçü 12 günlük İran-İsrail müharibəsi zamanı edam edilib.
İran mediası müharibə zamanı oxşar ittihamlarla çox sayda vətəndaşın həbs edildiyini yazıb.
Vaxtı keçmiş kreditlər ilin əvvəlindən 13 faiz artıb
Bu il iyunun 1-nə Azərbaycanda vaxtı keçmiş kreditlərin məbləği son bir ayla müqayisədə 1.1 faiz artaraq 508.3 milyon manata yüksəlib.
Bu barədə Azərbaycan Mərkəzi Bankı (AMB) bu gün, iyunun 25-də məlumat yayıb.
Ölkədə vaxtı keçmiş kreditlərin həcmi ilin əvvəli ilə müqayisədə 13, son bir ildə isə 9 faiz artıb.
Mayın sonuna vaxtı keçmiş kreditlərin ümumi kredit portfelində çəkisi isə dəyişməyərək 1.7 faiz təşkil edib.
Azərbaycanda 2015-ci ildə iki devalvasiya baş vermiş, manat iki dəfədən çox dəyər itirmişdi. Onda problemli kreditlərin 2 milyard manata yaxınlaşdığı açıqlanmışdı. 2019-cu il fevralın 19-da isə prezident fiziki şəxslərin xarici valyutada olan problemli kreditlərinin həlli ilə bağlı fərman verdi. Onda 10 min dollara qədər kredit götürən fiziki şəxslərin borclarında 2015-ci ildə baş vermiş devalvasiyalardan sonra yaranmış fərq dövlət hesabına ödənildi. Bundan sonra problemli kreditlər azaldı. Amma 2021-ci ilin əvvəlində yenidən bu kreditlərin artdığı açıqlanmışdı. Bu, onda koronavirus pandemiyasi ilə izah edilirdi. 2022-ci ildə isə yenidən problemli kreditlərin azaldığı vurğulanırdı.
Bir sıra müstəqil iqtisadçılar yenidən vaxtı keçmiş kreditlərin artmasını əhalinin sosial problemlərinin artması ilə izah edirlər. Hökumət rəsmiləri isə, hələlik, bu məsələni şərh etməyiblər.
Atəşkəsin ikinci günü: Burada üfüqlər sakitdir [Video]
İranla İsrail arasında atəşkəs rəsmən qüvvəyə minib.
Gərgin başlanğıca baxmayaraq, ABŞ prezidenti Donald Trampın vasitəçiliyi ilə əldə olunan atəşkəsin ikinci günü İsrail və İran səmalarında sakitlik olub.
Bu gün, iyunun 25-i səhər İsrail hökuməti müharibə ilə bağlı mülki əhaliyə məhdudiyyətlərin əksəriyyətini qaldırıb. Lakin Qəzza ilə bağlı bəzi məhdudiyyətlər qüvvədə qalacaq.
İran prezidenti Məsud Pəzeşkian da atəşkəsin qüvvəyə minməsi ilə ölkəsinin normal həyata qayıtmağa hazır olduğunu bildirib.
"Bu gündən hökumət və aidiyyəti qurumlar bərpa işlərinə başlayacaq və normal həyatı bərpa edəcək", - Pəzeşkian dövlət televiziyası ilə çıxışında deyib.
24 iyun
Tramp deyir ki, 'İsrail sakitləşməlidir'
NATO sammiti üçün Vaşinqtondan Hollandiyaya uçmazdan əvvəl jurnalistlərə danışan D.Tramp deyib ki, həm İran, həm də İsrail çərşənbə axşamı (24 iyun) səhər elan olunan atəşkəsi pozub.
ABŞ prezidentinin sözlərinə görə, o, hər iki ölkədən narazıdır, xüsusilə də İsraildən. Bildirib ki, atəşkəsin qüvvəyə minməsindən sonrakı ilk saatda İsrail İrana güclü zərbələr endirib. "Elə başa düşürəm ki, İsrail heç kimə dəyməyən bir raketə görə qəzəblidir", - o əlavə edib.
Tramp deyib ki, "İsrail sakitləşməlidir".
+++
İsrailin İrana zərbələri nəticəsində 610-dək insan həlak olub, 5 mindən çox insan yaralanıb, - bu haqda ölkənin səhiyyə nazirliyi bildirib.
+++
ABŞ prezidenti Donald Tramp İsraili İrana yeni zərbələr endirməkdən çəkinməyə çağırıb, bunun "böyük eskalasiya" olacağı barədə xəbərdarlıq edib.
"İsrail. O bombaları atmayın. Pilotları evə qaytarın", - Tramp "Truth Social"da yazıb.
İsrail İranın atəşkəsi pozduğunu, ona yeni zərbələr endirəcəyini bildirir
İsrail müdafiə naziri İsrael Kats deyir ki, İranın atəşkəsi pozmasına cavab olaraq onun ölkəsi Tehrana zərbələri davam etdirəcək.
Bu gün səhər saatlarında tərəflər arasında atəşkəsin qüvvəyə minməsinə baxmayaraq, İsrail Müdafiə Qüvvələri (IDF) İran tərəfindən İsrailin şimal istiqamətində raketlər atıldığını bəyan edib.
+++
İran atəşkəs elan olunduqdan sonra İsrailə raket zərbələri endirilməsi ilə bağlı ittihamları rədd edib.
Tramp: 'Atəşkəs qüvvədədir, xahiş edirəm, pozmayın'
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail İranla atəşkəsə dair Birləşmiş Ştatların təklifini qəbul edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün hədəflərinə nail olub.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
/h3
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
/h3
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
Jurnalist sağlamlıq problemlərindən və qeyri-insani rəftardan şikayət edir
"ToplumTV işi" çərçivəsində həbs edilən jurnalist Fərid İsmayılovun səhhətindəki problemlər və qeyri-insani rəftardan şikayət etdiyi bildirilir. Bu barədə onun yaxınları məlumat verib. Vurğulanıb ki, F.İsmayılovun qan şəkərində problem var, bu da ona həm təcridxanada, həm də məhkəməyə gətirilib-aparılanda problemlər yaradır: "Hətta sistemlə köçürülməsi üçün qida əlavələri, dərmanlar alıb göndərmişik".
Yaxınların iddiasına görə, Bakı İstintaq Təcridxanasında F.İsmayilova lazımi qaydada sistem köçürülmür. Onların sözlərinə görə, iyunun 23-də F.İsmayılov məhkəmədə (bu iş üzrə məhkəmə prosesi davam edir) bildirib ki, o, həm də miqrendən əziyyət çəkir.
Hələlik, bütün bu deyilənlərə Penitensiar Xidmət və başqa rəsmi qurumlardan münasibət almaq mümkün olmayıb. Amma rəsmi qurumlar, bir qayda olaraq, vurğulayır ki, təcridxana və cəzaçəkmə müəssisələrində saxlanan şəxslərlə qanun çərçivəsində davaranılır.
2024-cü il martın 6-da polis Bakıda "ToplumTV" onlayn televiziyasının ofisində axtarış aparıb və media qurumunun ofisi möhürlənib. Ümumilikdə "ToplumTV işi" üzrə 10-a yaxın şəxs həbs edilib. Onlara ilkin olaraq Cinayət Məcəlləsinin 206.3.2-ci (qaçaqmalçılıq, bir qrup şəxslə əvvəlcədən əlbir olaraq törədildikdə) maddəsi ilə cinayət işi açılsa da, bu il yanvarın 17-də ağırlaşlaşdırıcı maddələrlə yeni ittihamlar irəli sürülüb.
"ToplumTV" bəyanat yayaraq baş verənlərin onların peşə fəaliyyətləri ilə əlaqəli olduğunu bildirib və bunu müstəqil mediaya basqı kimi qiymətləndirib.
Xatırlama
2023-cü ilin noyabrından başlayaraq Azərbaycanda qruplar halında 30-dan çox jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifarişlə izah edirlər. Sonradan onlardan bir çoxunun ittihamı ağırlaşdırılıb.
Ötən həftə onlardan "AbzasMedia işi" üzrə günahlandırılan yeddi jurnalistə 9 ildən 7 il 6 aya qədər həbs cəzası verilib. Onların arasında AzadlıqRadiosunun 9 il həbs cəzası alan jurnalisti Fərid Mehralızadə də var.
Yerli hüquq-müdafiə təşkilatlarının hazırladığı siyahılara görə, indi Azərbaycan həbsxanalarında 370-dən çox siyasi məhbus var. Rəsmilərsə, bir qayda olaraq, vurğulayırlar ki, ölkədə heç kim peşə fəaliyyəti ilə bağlı, siyasi əsaslarla həbs edilmir. Onlar iddia edirlər ki, həmin siyahılarda adları yer alanlar törətdikləri əmələ görə məsuliyyətə cəlb olunublar.
Rusiya Ukraynaya dron zərbələri endirib. Azı 11 nəfər həlak olub
İyunun 24-də səhər saatlarında Rusiya qüvvələri Ukraynanın Dnepr şəhərinə zərbələr endirib. Dnepropetrovsk vilayət hərbi administrasiyasının rəhbəri Sergey Lısakın sözlərinə görə, yataqxana, gimnaziya, inzibati bina və sərnişin qatarına ziyan dəyib.
Zərbələr nəticəsində Dneprdə 11 nəfər həlak olub, 160-dan çox adam yaralanıb. Yaralılar arasında uşaqların olduğu bildirilib.
Ukrayna prezidenti Volodimir Zelenski X postunda ölü sayının arta biləcəyini yazıb.
"Ukrzaliznitsa" ASC bildirib ki, raket 52 nömrəli Odessa - Zaporojye qatarının yaxınlığına düşüb.
Sumi regional hərbi administrasiyası isə iyunun 24-ü səhər saatlarında məlumat yayıb ki, gecə ərzində Rusiya qüvvələrinin vilayətin bir kəndinə endirdiyi dron zərbələri nəticəsində üç nəfər həlak olub və onlardan bir də 8 yaşlı oğlan uşağıdır.
Ukrayna Hərbi Hava Qüvvələrinin məlumatına görə, iyunun 24-nə keçən gecə Rusiya qüvvələri Ukraynaya 97 ədəd "Shahed" kamikadze dronları və digər PUA-lar ilə hücum edib.
Xerson vilayətinə də zərbələr endirilib, azı dörd nəfər yaralanıb.
Rusiya Müdafiə Nazirliyi isə bildirib ki, hava hücumundan müdafiə qüvvələri iyunun 24-də gecə ərzində Ukraynanın 20 dronunu vurub.
Son hücumlar V.Zelenskinin iyunun 24-25-də Haaqada sammit çərçivəsində NATO liderləri ilə görüşə hazırlaşdığı vaxta təsadüf edir.
Gürcüstanda iki gündə dörd müxalifət lideri həbs olunub
Gürcü müxalifətçisi, "Aqmaşenebeli Strategiyası" partiyasının lideri Giorgi Vaşadze parlamentin mübahisəli istintaq komissiyasına gəlmədiyinə görə 7 ay müddətinə azadlıqdan məhrum edilib. Ona həmçinin 2 il ərzində dövlət vəzifələrini tutmaq qadağan edilib.
Bir gün əvvəl - iyunun 23-də digər üç müxalifət lideri oxşar ittihamlarla azadlıqdan məhrumetmə cəzası alıblar. "Güclü Gürcüstan" və "Lelo" partiyalarının rəhbərləri Mamuka Xazaradze və Badri Caparidze hər biri 8 ay müddətinə həbs cəzasına məhkum edilib. "Dəyişikliklər Uğrunda Koalisiya" və "Qirçi – Daha çox azadlıq" partiyasının lideri Zurab Caparidze isə 7 ay müddətinə azadlıqdan məhrum edilib.
G.Vaşadze hökmün elanında iştirak etməyib. O, partiyasının ofisində hüquq-mühafizə orqanları tərəfindən saxlanılıb.
Gürcüstanın beşinci prezidenti Salome Zurabişvilinin sözlərinə görə, iqtidarda olan "Gürcü arzusu" partiyası paranoid vəziyyətdədir və bu, rejimin son mərhələdə olduğunu göstərən klassik əlamətdir. O bildirib ki, hakimiyyətin hərəkətləri daxili parçalanma, artan repressiyalar və sistemin öz daxilindəki qorxu ilə bağlıdır.
Zurabişvili qeyd edib ki, müxalifəti və cəmiyyəti çətin dövr gözləyir, xüsusilə də dinc etiraz aksiyalarında iştirak edən gəncləri. O, dinc aksiyaların davam etdirilməsinin və müxalifətin vahid strategiya ətrafında birləşməsinin vacibliyini vurğulayıb.
Müxalifət liderlərinə qarşı çıxarılan hökmləri Qərb siyasətçiləri, o cümlədən ABŞ konqresmeni Co Uilson kəskin pisləyib. Uilson sosial şəbəkədə yazıb: "Qeyri-legitim "Gürcü arzusu" rejimi müxalifət liderləri Zurab Caparidze, Mamuka Xazaradze və Badri Caparidzeni qanunsuz olaraq həbs edərək repressiyaları gücləndirir. İvanişvili ölkəni kommunist Çinin xidmətində olan birpartiyalı dövlətə çevirməyə çalışır. Senat #MEGOBARI aktını qəbul etməlidir!".
Özbəkistan prezidenti qızını öz administrasiyasının rəhbəri təyin edib
Özbəkistan prezidenti Şavkat Mirziyoyev prezident administrasiyasının rəhbəri vəzifəsini bərpa edib və bu vəzifəyə böyük qızı Saidanı təyin edib. Bu barədə prezidentin mətbuat katibi Şerzod Asadov "Telegram" hesabında məlumat verib.
Prezident Administrasiyasının rəhbəri vəzifəsi 2023-cü ilin avqustunda prezident Mirziyoyevin fərmanı ilə ləğv edilmişdi. Həmin vaxt bu vəzifəni Sardor Umurzakov icra edirdi. Sonradan o, prezidentin xüsusi tapşırıqlar üzrə müşaviri təyin olunmuşdu.
S.Mirziyoyeva 2023-cü ilin avqustundan prezidentin köməkçisi vəzifəsini tuturdu. Bundan əvvəl isə o, Prezident Administrasiyasının icra aparatının kommunikasiya və informasiya siyasəti sektoru müdiri kimi çalışıb.
Macarıstan və Slovakiya Rusiyaya yeni sanksiyalara qarşı çıxır
Macarıstan və Slovakiya Avropa İttifaqı (Aİ) xarici işlər nazirlərinin Brüsseldə keçirilən görüşündə Rusiyaya qarşı 18-ci sanksiyalar paketinin qəbulunu dəstəkləməyib. Bu barədə Macarıstanın xarici işlər naziri Peter Siyarto məlumat verib. Onun sözlərinə görə, Avropa Komissiyasının Rusiya enerji resurslarının idxalını mərhələli şəkildə dayandırmaq planlarına cavab olaraq iki ölkə bu qərarı bloklayıb.
"Bu gün biz Slovakiya ilə birlikdə 18-ci sanksiyalar paketinin qəbulunun qarşısını aldıq", - Siyarto jurnalistlərə deyib. "Biz bunu ona görə etdik ki, bu halda Macarıstan və Slovakiya da daxil olmaqla Aİ ölkələrinə Rusiyadan təbii qaz və ucuz Rusiya xam nefti almaq qadağan edilirdi".
Avropa Komissiyası Rusiyanın "Şimal axını 1" və "Şimal axını 2" qaz kəmərlərinə məhdudiyyətlərin 18-ci paketə daxil edilməsini, həmçinin Rusiya neftinin qiymətinin bir barel üçün qiymət həddinin 60 dollardan 45 dollara endirməyi təklif edir. Bundan əlavə, Rusiyanın kölgə donanmasına aid 80-ə yaxın gəmi də sanksiyalara məruz qala bilər.
17-ci sanksiyalar paketi mayın 20-də təsdiqlənib.
Azərbaycanda karantin oktyabra qədər uzadılıb
Azərbaycanda xüsusi karantin rejiminin müddəti yenə uzadılıb. Baş nazir Əli Əsədov bununla bağlı qərar imzalayıb.
"Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti bu il oktyabrın 1-i saat 06:00-dək uzadılıb", - qərarda yazılıb.
Bundan əvvəl xüsusi karantin rejimi 2025-ci il iyulun 1-i saat 6:00-a qədər uzadılmışdı.
Azərbaycanda koronavirus pandemiyası ilə bağlı 2020-ci ilin martından karantin rejimidir. Yoluxma sayından asılı olaraq rejim arada sərtləşdirilsə də, sonra yenə yumşaldılıb. Onun müddəti dəfələrlə uzadılıb.
Bu karantin çərçivəsində Azərbaycanın quru sərhədində xarici ölkələrə gediş-gəlişdə hələ də məhdudlaşdırmalar saxlanıb. Halbuki, Ümumdünya Səhiyyə Təşkilatı (ÜST) 2023-cü il mayın 5-dən koronovirus pandemiyasının başa çatdığını açıqlayıb. Bir sıra müxalifət partiyalarının rəhbərləri pandemiyanın başa çatmasına baxmayaraq, bəzi məhdudiyyətin saxlanmasını hakimiyyətin siyasi, iqtisadi maraqları ilə izah edir. Ölkə başçısı isə Nazirlər Kabinetinin açıqlamasına baxmayaraq, son illər sərhədlərdə məhdudiyyətin saxlanılmasını, əsasən, təhlükəsizlik amili ilə yozub.
Amma son həftələr İran və İsrail arasında silahlı toqquşmalarla bağlı İrandan Azərbaycana icazəli şəkildə keçidə (xüsusilə xarici vətəndaşlar üçün) şərait yaradılıb.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də ÜST koronavirusu pandemiya elan edib. Dünyada sürətlə yayılan bu virusdan 7 milyon civarında şəxsin vəfat etdiyi bildirilir. Azərbaycanda isə 830 mindən çox şəxsin bu virusa yoluxduğu, onlardan 10 min 400-nün vəfat etdiyi bildirilib. Amma son illər bu virusa yoluxmanın kəskin şəkildə azaldığı vurğulanır. ÜST ötən il mayın 5-də koronavirus pandemiyasının başa çatdığını açıqlayıb.
Əhməd Məmmədlinin səhhətindən narahatlıq var
Həbsdə olan ictimai fəal və "Yoldaş Media"nın təsisçisi Əhməd Məmmədlinin səhhəti ilə bağlı narahatlıq var.
Bu barədə iyunun 22-də Məmmədlinin Hüquqlarını Müdafiə Komitəsi məlumat yayıb.
Komitə bildirib ki, fəalı təcridxanada müayinə edən həkim onun gözünün görmək qabiliyyətini itirmək riski ilə üzləşdiyini bildirib. Vurğulandığına görə, həkim əlavə edib ki, vəziyyətin daha da pisləşməməsi üçün Məmmədlinin immuniteti güclü qalmalıdır: "Bu məqsədlə o, hazırda yüksəkkalorili yeməklərlə qidalanır və vitaminlər qəbul edir".
Komitə həm də bildirir ki, Məmmədli mayın 6-da saxlanılan zaman işgəncəyə məruz qalıb və aldığı ağır zərbələr nəticəsində onun gözündə ciddi zədə yaranıb: "Artıq bir ay keçməsinə baxmayaraq, həmin göz hələ də bulanıq görür. Həmçinin, işgəncə nəticəsində immuniteti çox zəifləyib".
Komitə xatırladır ki, bir neçə il öncə Məmmədli gözlərindən iki dəfə əməliyyat keçirib və o, genetik astma xəstəliyindən əziyyət çəkir.
Hələlik, bu açıqlamaya Penitensiar Xidmət və Daxili İşlər Nazirliyindən (DİN) münasibət almaq mümkün olmayıb. Amma, bir qayda olaraq, DİN saxlanan şəxslərə işgəncə verilməsi ilə bağlı iddiaları qəti olaraq yalanlayır.
Xatırlatma
Ə.Məmmədli mayın 6-da saxlanılıb və mayın 8-də barəsində 4 ay həbs-qətimkan tədbiri seçilib. O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur. Özü ittihamı rədd edir, keçmiş siyasi-ictimai və hazırki jurnalist fəaliyyətinə görə cəzalandırıldığını deyir.
Ə.Məmmədli 2022-ci ildə D-18 Hərəkatının (hərəkat 2023-cü ildə buraxılıb) sədri ikən polisin qanuni tələbinə qəsdən tabe olmama maddəsi ilə 30 sutka inzibati həbs edilmişdi. Ancaq o, həbsini sülhdən danışması, prezident İlham Əliyevi tənqid etməsi ilə əsaslandırmışdı.
Rusiya zərbələrindən Kiyevdə çoxmərtəbəli binanın girişi uçub, ölənlər var
İyunun 23-nə keçən gecə Rusiya hərbi qüvvələrinin Kiyevə dron zərbələri endirməsi nəticəsində çoxmərtəbəli yaşayış binasının bir girişi çöküb. Yerli hakimiyyət orqanlarının məlumatına görə, hadisə nəticəsində ölənlər və yaralananlar var. Dağıntılar altında insanların ola biləcəyi qeyd olunub.
Kiyev şəhər hərbi administrasiyasının rəhbəri Timur Tkaçenko dördü uşaq olmaqla 25 nəfərin yaralandığını bildirib. Onun sözlərinə görə, paytaxtın Solomenski rayonunda səkkiz, Şevçenkovskidə isə 17 nəfər yaralanıb.
Daxili işlər naziri İqor Klimenkonun verdiyi məlumata görə, ən ağır nəticələr Şevçenkovski rayonunda qeydə alınıb. Burada çoxmərtəbəli yaşayış binasının bütün bir giriş hissəsi dağılıb.
"Hazırkı məlumata görə, dörd nəfər həyatını itirib. Fövqəladə Hallar Xidmətinin əməkdaşları 10 nəfər yaralını xilas ediblər. Məlumatlarımıza əsasən, dağıntılar altında hələ də insanlar var", - o, "Telegram" hesabındakı paylaşımda bildirib.
AzadlıqRadiosunun jurnalisti Krımda həbsdən buraxılıb
Ukrayna vətəndaşı, Azad Avropa/Azadlıq Radiolarının Ukrayna xidmətinin Krım.Realii layihəsinin jurnalisti Vladislav Yesipenko Rusiya həbsxanasından buraxılıb. O, Ukrayna kəşfiyyatı üçün informasiya yığmaq şübhəsiylə 4 ildən çox həbsdə qalıb. Özü ittihamı rədd edirdi.
Yesipenko iyunun 22-də azad edilib.
"Vlad törətmədiyi cinayətə görə əsassız olaraq 4 ildən çox cəza çəkib. O, Rusiyanın işğalı altında olan Krımda baş verən gerçəkləri işıqlandırdığına görə çox yüksək bədəl ödəyib", – AzadlıqRadiosunun prezidenti Stiv Kapus bəyanatında deyib.
"Buna görə o, fiziki və psixoloji işgəncəyə məruz qalıb. Onun həyat yoldaşı Katerina və gənc qızı Stefaniyaya qovuşmasını qeyd etdiyimiz bir vaxtda bu ailənin Rusiya hakimiyyətindən çəkdiyi əziyyəti də nəzərdən qaçırmamalıyıq", – o vurğulayıb.
Rusiya-Ukrayna vətəndaşlığı olan Yesipenko 2021-ci il martın 10-da həbs olunub. 2022-ci ilin fevralında Rusiyanın Krıma təyin etdiyi məhkəmə ona casusluq ittihamıyla 6 il həbs cəzası kəsib. Özü, çalışdığı media orqanı və insan haqları qrupları ittihamları saxta adlandırıb.
Bir neçə ay sonra Yesipenkoya "partlayıcı saxlamaq və daşımaq" ittihamı da verilib, özü bunu qətiyyətlə rədd edib. Prokurorlar daha sonra etiraf ediblər ki, onun maşınından "tapılmış" qumbarada onun barmaq izləri olmayıb. Jurnalist məhkəməsində Ukrayna kəşfiyyatı üçün informasiya toplamaqla bağlı ittihamları da rədd edib. Məhkəmə ona 5 il həbs cəzası kəsib.
Yesipenko məhkəməsində saxta ifadə verməsi üçün elektroşoka məruz qaldığını deyib. 2022-ci ilin noyabrında isə Ukraynada dövlət ittihamçısı Rusiya FSB zabitinə qanunsuz həbs və işgəncəyə görə cinayət işi açıb.
Avropa İttifaqı (Aİ) 2023-cü ilin sentyabrında Yesipenkoya qarşı cinayət işi ilə əlaqədar iki hakim və bir dövlət ittihamçısına sanksiyalar tətbiq edib. Eləcə də Rusiyanın Federal Təhlükəsizlik Xidmətinin (FSB) iki zabitinə sanksiya açıqlanıb, onların işgəncəyə görə məsuliyyət daşıdığı bildirilib.
İyunun 21-də AzadlıqRadiosunun keçmiş jurnalisti İqor Karney, fevralda isə radionun jurnalisti Andrey Kuzneçuk Belarusda həbsdən buraxılıblar. Bu, Tramp administrasiyasının böyük səyləri sayəsində mümkün olub.
Belarus 14 məhbusu azad edib. Tixanovski, jurnalist Karney də buraxılıb
Belarus 14 məhbusu azad edib. Onlardan biri də 2020-ci ilin mayında həbs olunmuş Sergey Tixanovskidir. O, avtoritar lider Aleksandr Lukaşenkoya qarşı seçkidə namizəd olmaq niyyətini bildirəndən sonra saxlanmışdı. Sonradan onun həyat yoldaşı Svetlana Tixanovskaya ərinin yerinə seçkiyə getmişdi.
ABŞ-nin elçisi Keyt Kelloqun köməkçisi Con Koul iyunun 21-də X platformasında yazıb ki, 14 məhbus Litva hökuməti ilə əməkdaşlıq sayəsində əldə olunmuş razılaşma çərçivəsində buraxılıb.
AzadlıqRadiosu Belarus xidmətinin keçmiş jurnalisti İqor Karney də buraxılıb. O, 2023-cü ildə həbs olunmuş, "ekstremizm" ittihamı ilə 3 il həbsə məhkum edilmişdi.
Lukaşenko 2020-ci il avqust seçkisinin qalibi elan olunandan sonra ölkədə etirazlar başlanıb. Minlərlə belaruslu seçkinin saxtalaşdırıldığını, Tixanovskayanın qalib gəldiyini bildirib. Qərb də seçkinin nəticələrini rədd edib. Tixanovskaya daxil əsas müxalifət liderləri ölkədən çıxmalı olub, minlərlə etirazçı saxlanıb, öldürülənlər olub.
Karney isə veteran jurnalistdir, 20 ildən çox Azad Avropa/Azadlıq Radiolarında işləyib. Belarus insan haqları cameəsi onu siyasi məhbus kimi tanıyıb.
"Bu cəsur, Belarus hakimiyyətinin əziyyət verdiyi jurnalistin azadlığa çıxmasını təmin etdiyinə görə prezident Donald Trampa dərindən minnətdarıq", – AzadlıqRadiosunun prezidenti Stiven Kapus deyib.
Avropa İttifaqı, ABŞ, Kanada və bir sıra digər ölkələr Lukaşenkonu Belarusun legitim lideri kimi tanımayıb, ona və digər rəsmilərə seçkinin saxtalaşdırılması, seçkisonrası təzyiqlərə cavab olaraq sanksiyalar tətbiq edib.
Musa Şəkiliyev Qax icra başçılığından çıxarıldı
Musa Şəkiliyev Qax rayon İcra Hakimiyyətinin başçısı vəzifəsindən azad edilib.
İyunun 21-də prezident İlham Əliyev bununla bağlı sərəncam imzalayıb.
İyunun 21-i günün ikinci yarısında isə M.Şəkiliyev barəsində Səbail rayon Məhkəməsi həbs qərarı verilib. Məhkəmə istintaq orqanının vəsatətini əsaslı sayaraq Şəkiliyev barəsində 4 ay müddətinə həbs-qətimkan tədbiri seçib.
Qaxın icra başçısı saxlanıb
İyunun 20-də Qax rayon İcra Hakimiyyətində əməliyyat keçirildiyi bildirilir.
Azərbaycanın yerli saytlarının məlumatına görə, əməliyyatı Dövlət Təhlükəsizliyi Xidməti (DTX) keçirib.
İlkin məlumatda rayon icra başçısı Musa Şəkiliyev və müavinlərinin saxlandığı iddia edilir. Vurğulandığına görə, onlarla bağlı vəzifə səlahiyyətlərindən sui-istifadə etməklə mənimsəmə və digər əməllər üzrə araşdırmalar gedir.
Hələlik, bu məlumata DTX-dən, Qax rayon İcra Hakimiyyəti və başqa maraqlı tərəflərdən münasibət almaq mümkün olmayıb.
M.Şəkiliyev bu vəzifəyə 2010-cu ildə təyin olunub.
Xatırlatma
Bundan əvvəlki illərdə Azərbaycanda bir çox icra başçıları ardıcıl şəkildə həbs ediliblər. Ölkədə icra başçılarının həbs dalğası 2019-cu ilin dekabrında başlayıb. Həmin vaxt Yevlax və Ağstafa rayonlarında DTX əməliyyatlar keçirmişdi. Ardınca bu proses Neftçala, Biləsuvar, İmişli, Kürdəmir, Cəlilabad və Şəmkir rayonlarında davam edib. Onlar mənimsəmə və başqa ittihamlarla müxtəlif müddətə həbs cəzası alıblar. Məhkəmə prosesində bəziləri ittihamları qismən qəbul etsə də, çoxu onları, əsasən, yalanlayıblar.
Onlardan Ağstafa rayon İcra Hakimiyyətinin keçmiş başçısı Nizaməddin Quliyev hökmdən (9 il) az sonra koronavirusa yoluxub və 2021-ci il sentyabrın 5-də ölüb. Yevlax şəhər İcra Hakimiyyətinin sabiq başçısı Qoca Səmədov isə (7 il 3 ay) 2023-cü ilin dekabrında – vaxtından əvvəl şərti azadlığa buraxılandan beş ay sonra vəfat edib.
